નખત્રાણાના કોટડા જડોદર નજીક ટેમ્પોમાં રહેલી ડીઝલ ટાંકીમાં અચાનક બ્લાસ્ટ થતાં ચાર લોકોનાં કરૂણ મોત થયા છે. મૃતકોમાં બે માસૂમ બાળકો અને તેમના પિતાનો પણ સમાવેશ થાય છે. ઘટનાથી સમગ્ર વિસ્તારમાં શોકની લાગણી ફેલાઈ છે.

Nakhatrana News: કચ્છના નખત્રાણા તાલુકાના કોટડા જડોદર નજીક એક અત્યંત દર્દનાક અકસ્માત સર્જાયો છે. એક મીની ટેમ્પોમાં રહેલી ડીઝલની ટાંકીમાં અચાનક જોરદાર બ્લાસ્ટ થતાં ગંભીર દુર્ઘટના ઘટી હતી. આ ભયાનક ધડાકામાં બે માસૂમ બાળકો અને તેમના પિતા સહિત કુલ 4 લોકોના ઘટનાસ્થળે જ કરૂણ મોત નિપજ્યા છે. એક જ પરિવારના સભ્યો હોવાની આશંકા વચ્ચે આ ઘટનાને પગલે સમગ્ર વિસ્તારમાં ભારે શોક અને અરેરાટી વ્યાપી ગઈ છે. ઘટનાની જાણ થતાં જ પોલીસ અને સ્થાનિક તંત્રની ટીમ ઘટનાસ્થળે દોડી ગઈ છે અને મૃતદેહોને પોસ્ટમોર્ટમ અર્થે ખસેડીને આ અકસ્માત અંગે વધુ તપાસ હાથ ધરી છે.

કચ્છના નખત્રાણા તાલુકાના કોટડા જડોદર નજીક ગમખ્વાર અકસ્માત સર્જાયો હતો. મીની ટેમ્પોમાં ડીઝલની ટાંકી ફાટતા જોરદાર બ્લાસ્ટ થયો. આ ભયાનક ધડાકામાં 2 માસૂમ બાળકો અને તેમના પિતા સહિત 4 લોકોના ઘટનાસ્થળે જ કરુણ મોત નિપજ્યા. એક જ પરિવારના સભ્યો હોવાની આશંકા છે. પોલીસે વધુ તપાસ હાથ ધરી છે.