દેશભરના ટ્રકોની પાછળ ‘Horn OK Please’ લખેલું જોવા મળે છે, પરંતુ આ કોઈ ફરજિયાત નિયમ નથી. તો પછી આ શબ્દો કેમ લખવામાં આવે છે? જાણો તેની પાછળની રસપ્રદ લોજિક અને સાચું કારણ.

Horn Ok Please Real Meaning: ભારતના હાઈવે પર મુસાફરી કરતી વખતે તમે રંગબેરંગી ટ્રકો જરૂર જોઈ હશે, જે શાયરી, સ્લોગન અને જાતજાતના નારાઓથી સજેલી હોય છે. આ બધાની વચ્ચે એક વાક્ય હંમેશાં તમને નજર આવતું હશે - 'Horn OK Please'. આ સ્લોગન ભારતીય ટ્રકોનો એક મહત્વપૂર્ણ હિસ્સો બની ગયું છે અને લાંબા સમયથી લોકો માટે જિજ્ઞાસાનો વિષય પણ રહ્યો છે. તે એટલું લોકપ્રિય બન્યું છે કે તેનાથી પ્રેરાઈને એક બોલિવૂડ ફિલ્મ પણ બની હતી. પરંતુ શું તમે જાણો છો કે આ સ્લોગનનો સાચો અર્થ શું છે અને તે ક્યાંથી આવ્યું? તો ચાલો જાણીએ આ રસપ્રદ સવાલનો જવાબ.

ટ્રક પાછળ કેમ લખવામાં આવે છે Horn OK Please

ટ્રકોની પાછળ 'Horn OK Please' લખેલું હોવું એ સામાન્ય બાબત છે. તેનો સીધો અર્થ એ છે કે જો તમે ટ્રકને ઓવરટેક કરવા માંગો છો, તો હોર્ન વગાડીને ટ્રક ચાલકને જાણ કરી દો. આ એટલા માટે જરૂરી છે કારણ કે ટ્રક એક મોટું વાહન છે અને ટ્રક ડ્રાઈવર માટે બધી બાજુ ધ્યાન આપવું મુશ્કેલ બની શકે છે. આમ આ સંકેત પાછળ ચાલી રહેલા વાહનોને જણાવે છે કે ટ્રક આગળ નીકળવા માટે તૈયાર છે, જેનાથી અકસ્માતની શક્યતા ઘટી જાય છે.

જોકે, એક સમયે મહારાષ્ટ્ર સરકારે કોમર્શિયલ વાહનો પર 'Horn OK Please' લખવા પર પ્રતિબંધ મૂકી દીધો હતો. સરકારનું માનવું હતું કે આ વાક્ય અન્ય વાહનોને હોર્ન વગાડવા માટે પ્રોત્સાહિત કરે છે અને તેનાથી અવાજનું પ્રદૂષણ વધે છે.

'મનીષ સિસોદિયા પર કોઈ આરોપ નથી લગાવ્યાં..' કોર્ટમાં CBIના દાવા સામે કેજરીવાલનો ઘટસ્ફોટ

બીજા વિશ્વયુદ્ધ સાથે જોડાયેલો રસપ્રદ ઈતિહાસ

બીજા વિશ્વયુદ્ધ દરમિયાન ઈંધણની અછતને કારણે ટ્રકોમાં કેરોસીનનો ઉપયોગ થતો હતો. કેરોસીનની અત્યંત જ્વલનશીલ પ્રકૃતિના કારણે ટ્રકો પર 'On Kerosene' લખવામાં આવતું હતું જેથી અન્ય વાહનચાલકો સાવચેત રહે. સમય જતાં આ ટૂંકા સ્વરૂપે 'ઓકે'નું રૂપ ધારણ કર્યું અને ત્યારબાદ તે વિકસીને 'Horn OK Please' બની ગયું. ભાષા સમય સાથે કેવી રીતે બદલાય છે અને નવા અર્થ ધારણ કરે છે તેનો આ એક રસપ્રદ નમૂનો છે. જોકે, આજકાલ ડીઝલની સરળ ઉપલબ્ધતા અને પહોળા રસ્તાઓને કારણે આ સ્લોગનની લોકપ્રિયતા ઘટી ગઈ છે.