કચ્છમાં ફરી એકવાર ભૂકંપના આંચકા અનુભવાયા છે. 3.3ની તીવ્રતાના ભૂકંપથી ધરા ધ્રૂજી ઉઠતાં લોકોમાં ભય ફેલાયો છે. ભૂકંપનું કેન્દ્રબિંદુ ક્યાં હતું અને તેની અસર કયા વિસ્તારોમાં અનુભવાઈ તે અંગે માહિતી સામે આવી છે.

Kutch Earthquake: કચ્છ જિલ્લામાં ફરી એકવાર ધરતી ધ્રૂજી ઊઠી છે. આજે બપોરે રાપર અને તેની આસપાસના વિસ્તારોમાં 3.3ની તીવ્રતાનો ભૂકંપનો આંચકો નોંધાયો છે. સિઝમોલોજી રિસર્ચ સેન્ટર અનુસાર, આ ભૂકંપનો આંચકો આજે (નવમી ઓગસ્ટ) બપોરે 1:34 વાગ્યે અનુભવાયો હતો. રિક્ટર સ્કેલ પર તેની તીવ્રતા ૩.૩ માપવામાં આવી છે.

રાપરથી 15 કિ.મી. દૂર ભૂકંપનું કેન્દ્રબિંદુ

ભૂકંપના આંચકાનું કેન્દ્રબિંદુ કચ્છના રાપરથી પશ્ચિમ-દક્ષિણ-પશ્ચિમ (WSW) દિશામાં અંદાજે 15 કિલોમીટર દૂર નોંધાયું છે. તેની ઊંડાઈ જમીનથી 15 કિલોમીટર નીચે હોવાનું સામે આવ્યું છે. ભૂકંપના આંચકાને પગલે સ્થાનિક લોકોમાં થોડા સમય માટે ફાફડાટ વ્યાપી ગયો હતો, જોકે અત્યાર સુધી કોઈ જાનમાલના નુકસાનના અહેવાલ મળ્યા નથી.